ससेवाड़ी-शिंदेवाडी वि.का. सोसायटीच्या चेअरमनपदी दत्तात्रय शिंदे
पुणे फास्ट 24 न्यूज
महेंद्र शिंदे
खेड-शिवापूर, ता. 8 : ससेवाड़ी-शिंदेवाडी (ता.भोर) विविध कार्यकारी सोसायटीच्या चेअरमनपदी शिंदेवाडी येथील दत्तात्रय रामचंद्र शिंदे यांची बिनविरोध निवड करण्यात आली. सोसायटीच्या 65 वर्षाच्या इतिहासात पहिल्यांदाच चेअरमनपदाचा मान शिंदेवाडी गावाला मिळालेला आहे. तर सोसायटीच्या व्हाईस चेअरमनपदी ससेवाडी येथील रामभाऊ गोगावले यांची बिनविरोध निवड करण्यात आली आहे.
भोर येथील सहाय्यक निबंधक सहकारी संस्थेच्या कार्यालयात नुकतीच चेअरमन आणि व्हाईस चेअरमनपदाची निवडणूक प्रक्रिया पार पडली. संजय पवार यांनी निवडणूक निर्णय अधिकारी म्हणून काम पाहिले. यावेळी ही निवडणूक प्रक्रिया बिनविरोध पार पडली. नवनिर्वाचित चेअरमन आणि व्हाईस चेअरमनचे उपस्थित संचालक आणि दोन्ही गावातील ग्रामस्थ यांनी अभिनंदन केले. भविष्यकाळात सोसायटीच्या माध्यमातून शेतकरी वर्गाच्या हितासाठी काम करणार असल्याचे चेअरमन दत्तात्रय शिंदे यांनी सांगितले.
