पोलीस आयुक्तालयातील अधिकाऱ्यांच्या बदल्या, जाणून घ्या कोणाला कुठे मिळाली पोस्टीग?
पुणेफास्ट24
सोलापूर, ता.२९ : सोलापूर शहर पोलिस आयुक्तालयातील 5 पोलिस अधिकारांच्या बदल्या करण्यात आल्या आहेत. सांगली येथून बदलून सोलापूर शहरात आलेले पोलीस निरीक्षक सूरज मुलाणी यांच्याकडे शहर उत्तर वाहतूक शाखेची जबाबदारी देण्यात आली आहे. तर येथील वरीष्ठ पोलीस निरीक्षक धनंजय शिंगाडे यांच्याकडे महिला कक्षाची जबाबदारी सोपविण्यात आली आहे.
पोलीस आयुक्त एम. राज कुमार यांनी 27 ऑगस्ट रोजी अधिकारांच्या अंतर्गत बदल्यांचे आदेश काढले आहेत. त्यानुसार फौजदार चावडी पोलीस ठाण्याचे वरीष्ठ पोलीस निरीक्षक दिलीप शिंदे यांची बदली करून त्यांच्या ठिकाणी जेलरोड पोलीस ठाण्याचे वरिष्ठ पोलीस निरीक्षक अरविंद माने यांची नेमणूक करण्यात आली आहे.
दुसरीकडे महिला सुरक्षा विभागाचे पोलीस निरीक्षक सुरेश चाटे यांच्याकडे जेलरोड पोलीस ठाण्याचा पदभार देण्यात आला आहे. याशिवाय विजापूर नाका पोलीस ठाण्याच्या सहायक पोलीस निरीक्षक सारिका जगताप यांची बदली सदर बझार पोलीस ठाण्यात करण्यात आली आहे. बदली झालेल्या अधिकार्‍यांनी तातडीने संबंधित ठिकाणी रुजू व्हावे, असेही आयुक्तांच्या आदेशात नमूद आहे.
