श्रीरामनगर-बाग येथे श्री हनुमान जन्मसोहळा उत्साहात साजरा
पुणे फास्ट 24 न्यूज
महेंद्र शिंदे
खेड-शिवापूर, ता. 24 : येथील श्रीरामनगर-बाग (ता.हवेली) येथील श्री हनुमान मंदिरात मंगळवारी श्री हनुमान जन्मोत्सव सोहळा मोठ्या उत्साहात पार पडला. यानिमित्त याठिकाणी विविध धार्मिक कार्यक्रमांचे आयोजन करण्यात आले होते. पंचक्रोशीतील भाविकांनी दर्शनासाठी येथील मंदिरात गर्दी केली होती.
पुणे सातारा महामार्गालगत श्रीरामनगर-बाग (ता.हवेली) येथे हॉटेल कैलास भेळ आवारात श्री हनुमान मंदिर आहे. या मंदिरात मंगळवारी श्री हनुमान जन्मोत्सव सोहळा आयोजित केला होता.
त्यानिमित्त पहाटे पाच वाजता श्री हनुमान जन्मसोहळा पार पडला. त्यानंतर सायंकाळी प्राची पुरंदरे यांच्या भजन कार्यक्रमाचे आयोजन करण्यात आले होते. त्यानंतर रात्री महाआरती आणि महाप्रसादाचे आयोजन करण्यात आले होते. श्री हनुमान तरुण मंडळ, श्रीरामनगर-बाग यांनी या कार्यक्रमाचे संयोजन केले होते.
